一早起身梳洗後第二日的旅程又開始啦, 先安排我們還回昨天借的衣服及眼鏡 (我和妹妹好慘呀唔見咗一個眼鏡, 先和Joe說: 最衰都係你,
你說我們會唔見眼鏡我們就唔見啦, 他只是笑一笑幫我們問要比多小錢啦, 我問妹妹他為什麼只係笑一笑呀, 妹妹聽到朋友說:
原來昨天他說過如果團友唔見野都是會這樣說的) 然後坐2小時車, 雖然坐2小時車不要以為我在車上瞓覺呀因為Joe第一日就要我們不三較教主 (不計較,
不比較及不瞓覺), 所頭個1小時他出IQ題問我們 (有獎品的 (是韓國零食)), 都幾開心的, 當然後的1小時我就睡著了啦,
差不多到時大家醒了.....
今天午餐是食什茹火鍋
食完飯後有小小時間我們行出去看雪景及影相啦, 今天比昨天回暖小小不過都好凍的, 上車前我們看見有買生果的車故我們又買了士多啤梨
(韓國的士多啤梨真是好甜及香的)
餐廳外的雪境
食飽飯後出發去熊仔館 (韓劇宮的熊仔), 熊仔都好可愛, 不過我估應該濟州的會好小小啦, 真是要計劃出年去濟州島比較好
個小朋友是韓國人來的, 我見他好可愛所以抱來影相, 我幾怕他的爸爸媽媽鬧的, 最後當然冇啦
聖誕熊仔
唔記得是什麼熊來的
行完熊仔館坐車去酒店及浸溫泉, 因為我們決定唔浸溫泉故留在房內休息及下午茶
今晚酒店內的廳, 冇昨天的房咁大, 又做了比較較主
房外的風景呀, 好靚
山脈的風景是否好得意, 一層一層
我倆當然要影返張相啦
我們的下午茶炸醬面, 我都煮得幾好食架, 不過後來經Jimmy教完我們煮的方法重好味, 另外個支是香蕉奶 (二樣食物都是Joe介紹的,
都真係幾好味)
梨汁, 米水及燒酒,
Joe約的我們5:45在大堂等, 我們不想他等故提早小小去等的 因為他要先安排接回我們再接浸完溫泉的團友, 今晚我們要食的是中級的韓國料理好豐富的,
食完後我們還放了煙花, 放完後我們開開心心回酒店食士多啤梨
前菜15款, 是不是好豐富, 都好美味的
因為我們今天好開心叫了燒酒來飲 (Jimmy 及Joe都好奇怪樣), 我飲了一小杯就已經有小小醉, 真是冇用, 想個方法練習練.
主菜來啦, 火燒螺, 味道就較淡
大家又估吓是什麼..... 燈燈燈... 新鮮海膽
另一樣美味東西立魚及比目魚魚生片
魚子手卷, 味道都唔差
其實尚有許多食物的, 魷魚刺生.......最後是將魚生的魚骨放湯煮拉面, 好好味的, 其實好多人都說韓國沒有什麼野好食, 其他真是錯得很緊要,
韓國真係有許多野食的, 這二日我們都未試過有肚餓的感覺
